දිවයිනට පැමිණි ලෝක ප්‍රසිද්ධ බොලෝගර්වරුන් සමග දකුණු මුහුදු තීරය වටේ රවුමක් යාමට මටද අවස්ථාව උදා විය. එය ත්‍රාස ජනක ගුවන් ගමනක් විය. ජීවිතයේ ප්‍රථම වතාවට කුමකින් කුමක් වේ දෝයි සිතා ගැනීමට නොහැකිව ඇති වු බිය තුරන් කර ගැනීමට මා පමණක් නොව මා සමග සිටි බ්ලෝගර්වරුන්ද මහා හයියෙන් කෑ ගැසුහ. වරෙක යානය එක පිම්මට මහ පොලවට පතිත වන අන්දමින් පහළට එමින් යළි උඩු ගුවනේ රඳවා ගනිමින් ගමන් කළේ අප සමග සිටි දක්ෂ ඡායාරූප ශිල්පීන්ට සුන්දර ඡායාරූපයක් ගැනීමට අවස්ථාව උදාකරමිනි.
අති දක්ෂ ගුවන් නියමුවා සුන්දර ලොවකට අප රැගෙන ගියේ ශ්‍රී ලංකාව තරම් සුන්දර දසුනක් ලොව කොතනකවත් නැති බව පසක් කරමිනි. යානයේ ඇන්දක් තනි අතකින් අල්ලාගෙන අනෙක් අතින් ගත් ඡායාරූප මට සිහිවෙන්නේ මිහිරි මතකයකි.
